ఇప్పుడు ఆన్లైన్ లోనే దర్శకత్వం పాఠాలు

మన తెలుగు సినిమా దర్శకేంద్రుడు రాఘవేంద్ర రావు సరి కొత్త ప్రయోగం చేయనున్నారు. దాదాపు 100 కి పైగా సినిమాలు డైరెక్ట్ చేసిన రాఘవేంద్ర రావు , సీనియర్ ఎన్టీఆర్ నుండి జూనియర్ ఎన్టీఆర్ వరకు అందరి హీరోలని డైరెక్ట్ చేసాడు.అలాంటి దర్శకేంద్రుడు బయట పబ్లిక్ గా మాట్లాడే టైపు కాదు , ఎక్కువ శాతం మౌనంగా కనపడే రాఘవేంద్ర రావు ఈ మధ్య సౌందర్య లహరి అనే కార్యక్రమం తో కొంచెం మాట్లాడడం మొదలు పెట్టారు.

 ఈ టీవీ లో వచ్చిన ఈ కార్యక్రమం పెద్ద హిట్ అయ్యింది. ఇదే స్ఫూర్తి తో రాఘవేంద్ర రావు ఇప్పుడు ఆన్ లైన్ లో డైరెక్షన్ పాఠాలు చెప్పడానికి సిద్ధం అవుతున్నాడు. కె అర్ అర్ క్లాసు రూం పేరిట యు ట్యూబ్ లో కొన్ని వీడియోలు పొందుపరుస్తున్నారు. ఈ వీడియో లు చూసి దర్శకత్వం ఎలా చెయ్యాలి అనే విషయం మీద ఎంతో కొంత అవగాహన ఏర్పడుతుంది.

ఈ నాటి యువత కు సినిమా మీద మమకారం ఎక్కువ ఉందని , అందుకే ఇటువంటివి చెయ్యడం వల్ల , యువత కి ఎంతో కొంత సహాయ పడినట్లు ఉంటదని రాఘవేంద్ర రావు అభిప్రాయపడ్డారు. మరి మీరు కూడా కే అర్ అర్ క్లాసెస్ కి రెడీ నా ?

00:31