గోవా సుందరి ఇలియానా పెళ్లి పీటలు ఎక్కటానికి సిద్దం అయిందనే వార్త హాల్ చల్ చేస్తుంది. ఎందుకంటే ఆమెకు రహస్యంగా నిశ్చితార్థం జరిగిందనే వార్తలు గుప్పుమన్నాయి. ఎంతో ఆశతో బాలీవుడ్ కి వెళ్ళిన ఈ భామకు నిరాశే ఎదురయింది. ప్రస్తుతం టాలీవుడ్ లో కూడా పెద్ద అవకాశాలు కూడా లేవు. అయితే ఈ మధ్య కాలంలో గోవా బ్యూటీ ఆస్ట్రేలియాకు చెందిన బాయ్ఫ్రెండ్ ఆండ్రూతో కలిసి చెట్టాపట్టాలేసుకొని తిరుగుతున్న సంగతి తెలిసిందే. వీరిద్దరికీ రహస్యంగా నిశ్చితార్థం జరిగిందట. ఈ వేడుకకు సినీ రంగానికి చెందిన వారెవరికి ఆహ్వానాలు అందలేదు.
ఆండ్రూ ఆస్ట్రేలియాకు చెందిన ఒక ప్రొఫెషనల్ ఫోటో గ్రాఫర్. ఇలియానా,ఆండ్రూ కి గత రెండు సంవత్సరాల నుండి పరిచయం సాగి ఇప్పటికి నిశ్చితార్థం వరకు వచ్చింది. అయితే ఈ అమ్మడు జాకిచాన్ సరసన నటిస్తుందనే వార్తలు వచ్చినా సరే ఆ విషయాన్ని ఎవరు కన్ఫర్మ్ చేయలేదు. బాలీవుడ్ నుంచి పరాజయాల భారంతో టాలీవుడ్ కి వచ్చిన ఇలియానాకు పెద్దగా అవకాశాలు ఏమి రాలేదు. దాంతో అమ్మడు జీవితంలో సెటిల్ అవ్వాలని అనుకుంటుందని సమాచారం.
No comments: